2.3K
Downloads
6
Episodes
Með Laxness á heilanum er hlaðvarpssería á vegum Gljúfrasteins. Í þáttunum er rætt við fólk sem er hugfangið af verkum Halldórs Laxness og hugmyndum hans um líf og tilveru. Umsjónarkona er Margrét Marteinsdóttir. Upphafs- og lokalag þáttanna gerði Sigrún Jónsdóttir, tónskáld en það er tilbrigði við lag sem Halldór Laxness söng við ljóð sitt Maístjörnuna í viðtalið við Pétur Pétursson á Gljúfrasteini árið 1987.
Episodes
Thursday Nov 19, 2020
Salka Valka var mér opinberun
Thursday Nov 19, 2020
Thursday Nov 19, 2020
Í sjötta þætti hlaðvarpsseríunnar með Laxness á heilanum segir Silja Aðalsteinsdóttir ritstjóri meðal annars frá ást sinni á bókinni Sölku Völku sem hún las fyrst þegar hún var unglingur.
Salka Valka var Silju opinberun og hún hefur verið hennar eftirlætissaga síðan hún las hana fyrst ,,Salka er svo dugleg, hún er svo sterk, hún er svo ögrandi. Hún er það sem mann langar að vera” segir Silja í þættinum. Silja segir með ólíkindum hvað Halldór skrifaði af miklu innsæi um konur og hún segist halda að í honum hafi verið tvö kyn; kona og karl ,, Mér fannst nærri því dónalegt hvað hann vissi mikið um konur og hvað hann vissi hvernig stúlka í einrúmi herbergisins síns, undir sænginni sinni hugsar og pælir og gerir. Mér finnst Halldór vera voða mikil kona, hann skilur konur ótrúlega vel og kvenmyndirnar hans eru alveg ævintýralegar. Þær eru svo skýrar og minnistæðar.”
Silja talar einnig um Ingu Laxness fyrri eiginkonu Halldórs en Silja skrifaði endurminningar Ingu árið 1987. Hún talar um hvernig sé best að hjálpa börnum að lesa bækur Halldórs og um pabba sinn sem var mikill aðdáandi Halldórs og átti allt safnið. Hún segist hafa verið alin upp við Halldór Laxness og að hann sé ekki aðeins partur af lífi hennar heldur einnig persónu hennar.
Friday Nov 13, 2020
Laxness grípur okkur aftur og aftur
Friday Nov 13, 2020
Friday Nov 13, 2020
Í fimmta þætti hlaðvarpsseríunnar Með Laxness á heilanum er orðið hjá þeim manni sem þekkir sögu Halldórs Laxness betur en flestir en hann skrifaði ævisögu skáldsins sem kom út árið 2004. Þetta er Halldór Guðmundsson, rithöfundur. Hann talar meðal annars um það hvernig Halldór Laxness grípur okkur alltaf aftur og aftur, nær í skottið á okkur af einhverju tilefni enda hafi hann verið sá Íslendingur sem mótaði 20. öldina mest í hugsun okkar því enginn hafi komið orðum að átökum tímans betur en Halldór Laxness. Halldór talar um Vefarann mikla frá Kasmir en sú bók er Halldóri Guðmundssyni afar hugleikin. Halldór talar líka um hinn óslökkvandi tjáningarþorsta og segir að allan tímann sem hann var að rita ævisögu skáldsins hafi hann verið að glíma við að svara spurningunni hvaðan hin ótrúlega skrifþörf sé sprottin.
Friday Nov 06, 2020
Brekkukotsannáll er galdrabók
Friday Nov 06, 2020
Friday Nov 06, 2020
Í fjórða þætti hlaðvarpsseríunnar Með Laxness á heilanum talar Ólafur Stefánsson, fyrrverandi handboltamaður um ást sína á Brekkukotsannál sem hann segir að sé galdrabók.
Margrét ræddi við Ólaf um lífið í Brekkukoti, hinn hreina tón, galdra, töfrasprota, alheiminn, ömmur og afa, sönginn og sáttina í vinnuherbergi Halldórs Laxness á Gljúfrasteini.
Friday Oct 30, 2020
Halldór Laxness gaf okkur leyfi til að gráta
Friday Oct 30, 2020
Friday Oct 30, 2020
Í þriðja þætti hlaðvarpsseríunnar Með Laxness á heilanum talar Elísabet Kristín Jökulsdóttir, skáldkona um ást sína á verkum Halldórs. Ástin, tárin og erótíkin í bókum Halldórs eru Elísabetu hugleikin. Hún segir að það hafi komið fólki á óvart þegar hún benti á að allt væri löðrandi í erótík í sögum Halldórs, ,,það var eins og ég væri að uppgötva þyngdarlögmálið," segir hún.
Og öll tárin. ,,Allar persónur hans gráta, sérstaklega í Sjálfstæðu fólki, þá gráta allir, dýrin gráta, það grætur eiginlega allt,
... Halldór Laxness er búinn að gefa okkur leyfi til að gráta og við þurfum ekki meira leyfi en það,” segir Elísabet Jökulsdóttir.
Margrét hitti skáldkonuna á nýja heimilinu hennar í Hveragerði á dögunum.
Friday Oct 23, 2020
13 ára barn náttúrunnar
Friday Oct 23, 2020
Friday Oct 23, 2020
Í öðrum þætti talar Jökull Jónsson, þrettán ára Reykvíkingur um Barn náttúrunnar, fyrstu skáldsögu Halldórs Laxness en Jökull hefur lesið bókina nokkrum sinnum. Jökull sem er í Hagaskóla er líka að læra jazz í FÍH, hann spilar á píanó, er ljóðaunnandi og semur sjálfur ljóð. Hann langar að verða tónlistarmaður. Jökull er einnig ötull baráttustrákur í umhverfismálum. Margrét hitti hann á dögunum á veitingastað í Skerjafirði.
Thursday Oct 15, 2020
Dekurbarnið sem bjargaði íslenskri menningu
Thursday Oct 15, 2020
Thursday Oct 15, 2020
Í þessum fyrsta þætti talar Ragnar Kjartansson listamaður um ást sína á verkum Halldórs Laxness og þá sérstaklega Heimsljósi sem Ragnar segir að sé að finna í flestum verkum sínum. Það að vera með Laxness á heilanum sé í rauninni einhverskonar sýn á lífið, Laxness sé alltumlykjandi og viðhorf hans komi inn í listaverkin án þess að hann átti sig endilega á því. Ragnar segir að Heimsljós hafi gefið tóninn fyir það sem hann gerði síðar sem listamaður. Halldór Laxness var Ragnars Mikki mús þegar hann var lítill.